इंग्लिस प्रिमियर लिग फुटबलमा आज राति ७ खेल हुँदैछन्।
इपिएलको १३औं चरणको पहिलो खेलमा पहिलो र दोस्रो स्थानमा रहेका म्यानचेस्टर सिटी र लिभरपुल आमने सामने हुने छन्। यो खेल एत्तिहादमा साँझ सवा ६ बजे सुरु हुनेछ।
यो खेल दुवै टिमका लागि महत्वपूर्ण छ। लिभपुललाई हराउँदै डिफेनिडङ च्याम्पियन सिटी शीर्ष स्थानमा स्पष्ट ४ अंकको अग्रता बनाउन चाहन्छ भने लिभरपुल शीर्ष स्थानमा उक्लने दाउमा हुने छ। १२ खेलको समाप्तिमा सिटीको २८ र लिभरपुलको २७ अंक छ।
यसैगरी राति पौने ९ बजे बर्नली र वेस्टह्याम आमने सामने हुने छन्। जारी सिजनमा वेस्टह्याम १७ अंकका साथ तालिकाको नवौं स्थानमा रहेको छ भने बर्नले ४ अंकका साथ पुछारमा रहेको छ।
आज दुवै टिमले जित निकाल्दै तालिकाको वरियता सुधार गर्ने लक्ष्यमा हुने छन् । बराबरीले भने दुवै टिमलाई घाटा लाग्ने छ।
पौने ९ बजे नै लुटन र क्रिष्टल प्यालेस तथा न्यूक्यासल र चेल्सी आमने सामने हुँदा सोही समयमा नटिङघम फरेस्ट र ब्राइटन पनि भिड्ने छन् । यसैगरी पौने ९ बजेकै खेलमा सेफिल्ड युनाइटेड र बर्नमाउथले प्रतिस्र्पा गर्ने छन्।
राति सवा ११ बजे भने ब्रेन्टफोर्ड र आर्सनल आमने सामने हुने छन्।