एसिसी प्रिमियर कप र टि २० विश्वकपको तयारीका लागि भारतमा रहेको नेपाली टिमले एसएमएस फ्रेन्डसिप टी–२० त्रिकोणात्मक सिरिजको दोस्रो खेलमा बरोडालाई १५७ रनको लक्ष्य दिएको छ।
टस हारेर पहिला ब्याटिङ गरेको नेपालले २० ओभरमा ६ विकेट गुमाउँदै १५६ रन बनायो। नेपालका कुशल मल्लले २५ बलमा ३ चौका र २ छक्कासहित सर्वाधिक ४० रन बनाए।
यस्तै, सन्दीप जोरा १६ बलमा समान २ चौका र छक्कासहित २९ रन बनाउँदा अनिलकुमार शाह २७ बलमा २ चौका र १ छक्कासहित २५ र कप्तान रोहित पौडेल १३ बलमा ३ चौकासहित १८ रन बनाए।
८२–५ को दबाबदपूर्ण अवस्थाबाट सन्दीप र कुशलले २९ बलमा ४७ रनको साझेदारी गर्दै नेपाललाई सम्मानजनक स्कोरतर्फ लगेका थिए।
बरोडाका लागि बाबा खानले २, मोहित मोंगिया र परिक्षित पाटिदारले १–१ विकेट लिए।