त्रिकोणात्मक टि–२० सिरिजको पहिलो खेलमा अहिले नेपाल र घरेलु टोली हङकङ भिडिरहेका छन्। खेलमा टस जितेर नेपालले फिल्डिङ रोजेको छ।
नेपालले हिजो हङकङविरुद्ध उतारेको टिममा तीन परिवर्तन गरेको छ। सिनियर फास्टर बलरद्वय करण केसी र अविनाश बोहरा तथा ब्याट्सम्यान लोकेश बमलाई टिममा राखेको छ।
सिरिजअघि शनिबार भएको फ्रेन्डसिप टि–२० आईमा नेपाल हङकङसँग ७४ रनले पराजित भएको थियो।
आसन्न टि–२० विश्वकप र एसिसी प्रिमियर कपको तयारीका लागि आयोजना गरिएको सिरिजका नेपाल र हङकङसँगै पपुवा न्युगिनी पनि छ।
नेपाललाई इनिङको पहिलो बलमै करण केसीले सफलता दिलाएका छन्। उनले इनफर्म ब्याट्सम्यान मार्टिन कोट्जेलाई गुल्सन झाबाट क्याच आउट गराए।