नेपाल सुपर लिग (एनएसएल) को दोस्रो संस्करण अन्र्तगत आज हुने एकमात्र खेलमा विरगञ्ज युनाइटेड एफसी र एफसी चितवनबीच प्रतिस्पर्धा हुनेछ ।
खेल त्रिपुरेश्वरस्थित दशरथ रंगशालामा साँझ ५ः३० बजे हुनेछ। दुवै टिम पहिलो जितको खोजीमा मैदान उँत्रिदै छन्।
वीरगञ्ज पहिलो खेलमा धनगढी एफसीसँग २–१ ले पराजित भएको थियो । चितवन पहिलो खेलमा धनगढी एफसीसँगै १–०ले पराजित भएको थियो भने दोस्रो खेलमा भने काठमाडौं रेजर्ससँग चितवनले १–१ को बराबरी खेल्दै अंक बाँडेको थियो।
दुई खेलबाट एक अंक जोडेको चितवन तालिकाको छैटौं स्थानमा छ। अंकविहीन वीरगन्ज भने तालिकाको पुछारमा छ। लगातार दोस्रो जित निकालेको धनगढी एफसी तालिकाको शीर्ष स्थानमा रहेको छ।