कोरोना भाइरसको महामारीका कारण बीचमै रोकिएको सहिद स्मारक बी डिभिजन लिग आजबाट सुरु हुँदै छ। कोरोना भाइरसको महामारीका कारण ‘बी’ डिभिजन लिग गत वर्ष चैत ५ गतेबा स्थागित भएको थियो।
सातदोबाटोस्थित एन्फा कम्प्लेक्सको मैदानमा पहिलो खेल मध्यपुर युथ एशोसिएशन र नयाँ बस्ती युवा क्लबबीचको खेलसँगै बी डिभिजन लिग सुरु हुनेछ। खेल १२ः१५ बजे सुरु हुनेछ।
आजै हुने दोस्रो खेलमा पुल्चोक स्पोर्ट्स क्लब र खुमलटार युथ क्लब भिड्ने छन्। खेल दिउँसो ३ः३० बजे हुने छ ।
आजबाट सुरु हुने बी डिभिजन लिग चैत २७ गते आरसिटी र सातदोबाटो युथ क्लबबीचको खेलसँगै सकिनेछ ।
कोरोनाका कारण लिग रोकिनु अघि ३२ खेल भएका थिए। अब ३४ खेल हुने छन्।
