पाकिस्तानमा जारी हाइब्रिड मोडलको च्याम्पियन्स ट्रफीमा आजबाट सेमिफाइनलका खेल सुरु हुँदैछन्। जसमा आज भारत र अस्ट्रेसला भिड्दै छन्। खेल २ः४५ बजे दुबईमा हुनेछ।
दुई हेभिवेट टिमबीचको यो भीडन्त रोमाञ्चक हुनेछ। भारत समूहका तीनै खेल जित्दै समूह विजेताका रुपमा सेमिफाइनल पुगेको हो भने अस्ट्रेलियाले १ खेल मात्र जितेको थियो। उसका २ खेल वर्षाले रद्द भएको थियो।
आईसिसीको प्रतियोगिताका अस्ट्रेलियाले लागतार भारतलाई दुःख दिँदै आएको छ। २ वर्षअघि घरमै भारतलाई हराउँदै अस्ट्रेलियाले एकदिवसीय विश्वकप उपाधि जितेको थियो।
आज दुबईमा अस्ट्रेलियाविरुद्ध मैदान उत्रँदा भारत सोही हारको बदला लिने दाउमा हुनेछ। यो खेलमा भारत केही बलियो देखिएको छ। किनभने भारत फर्मममा छ भने अस्ट्रेलियासँग उसका स्टार खेलाडीहरू छैनन्। मिचेल स्टार्क, जोश हेजलउड, प्याट कमिन्स टिममा नहुँदा अस्ट्रेलियाको बलिङ कमजोर देखिएको छ।
त्यसको फाइदा भारतलाई हुनेछ। भारत प्रतियोगितामा सन्तुलित टिमका रुपमा रहेको छ। भारतले प्रतियोगिता सबैखेल दुबईमै खेलेका पनि फाइदान हुनेछ। अस्ट्रेलियाले दुबईका खेल्न लागेको यो पहिलो खेल हो।
आईसीसी टुर्नामेन्टको नकआउटमा दुवै टिमको यो भेट नवौं पटक हो। यसअघि भएका भिडन्तमा दुवै टिमले समान ४ जित निकालेका छन्।
एक दिवसीयमा भारत र अस्ट्रेलियाबीच हालसम्म १५१ खेल भएका छन् । जसमा ५७ मा भारतले जित निकालेको छ भने ८४ मा अस्ट्रेलिया विजयी भएको छ । जहाँ १० खेल नतिजाविहीन रहे।
दुबईमा भने यी दुई टिमको भेट पहिलो हो।