फुलहममाथि आर्सनलको जित, युनइटेड नटिङ्हमसँग पराजित

2 Apr, 2025

प्रिमियर लिगमा आर्सनल विजयी भएको छ। इन्टरनेशनल ब्रेकपछि भएको पहिलो खेलमा आर्सनलले फुलहमाथि २–१को जित निकाल्यो।

खेलमा आर्सनलका लागि मिकेल मोरिनो र बुकायो साकाले गोल गरे भने फुलहमका रोड्रिगो मुनिजले गोल गरेका थिए।

खेलमा ३७औं मिनेटमा मेरिनोको गोलमा आर्सनलले सुरुआती अग्रता लियो। पहिलो हाफमा १–०को अग्रता लिएको अर्सानलले ७३औं मिनेटमा साकाको गोलमा अग्रता दोब्बर बनायो। साका लामो समयपछि चोटमुक्त हुँदै यही खेलमार्फत मैदान फर्किएका हुन्।

इन्जुरी समयमा फुलहमका लागि मुनिजले गोल गरे पनि त्यो टिमको हाल टार्न पर्याप्त रहेन।

जितपछि आर्सनल ३० खेलबाट ६१ अंक जोडेर दोस्रो स्थानमा छ। फुलहम ४५ अंकसहित आठौं स्थानमा छ।

यता, अर्को खेलमा म्यान्चेस्टर युनाइटेड पराजित भयो। उसकै पूर्व खेलाडी एन्टोनी इलांगाले निर्णायक गोल गरेपछि युनायटेड नटिङ्हम फरेस्टसँग १–०ले पराजित भयो। इलांगाले पाँचौं मिनेटमा गोल गरेका थिए।

नुनो स्प्रिन्टो सान्टोको प्रशिक्षणमा उत्कृष्ट खेल खेलिरहेको नटिङ्हम ५७ अंकसहित तेस्रो स्थानमा छ। यो सिजन उसले च्याम्पियनस लिग खेल्ने लगभग पक्का जस्तै छ। यता, खराब लयमा रहेको युनाइटेड भने ३७ अंकसहित १३औं स्थानमा छ।