आइसिसी यू–१९ विश्वकप खेल्ने दक्षिण अफ्रिका पुगेको नेपाली टिम पहिलो अभ्यास खेलमा विजयी भएको छ।
गुल्सन झाको सानदार शतक मद्दतमा नेपलाले स्कटल्यान्डलाई १३५ रनले फराकिलो अन्तरले हरायो।
नेपालले दिएको २८५ रनको लक्ष्य पछ्याएको स्कटल्यान्ड ४३.२ ओभरमा १४९ रनमै अलआउट भयो।
स्कटल्यान्डका लागि उजयर अहमदले सबैभन्दा बढी २८ रन जोडे। बलिङमा नेपालका तिलकराज भण्डारीले ३ विकेट लिए। उनले १७ रन मात्र खर्चिए। आकास चन्दले २ विकेट हात पारे।
पहिले ब्याटिङ गरेको खेलमा नेपाल ४९.२ ओभरमा २८४ रनमा अलआउट भयो। नेपालका लागि गुल्सन झाले शतक प्रहार गरे। उनले ११४ रन बनाए। यस्तै दिपक बोहराले नटआउट ५८ रनको योगदान दिएका थिए।
विश्वकपको औपचारिक अभ्यास खेलअघि नेपालले त्यहाँ अझै तीन अभ्यास खेल खेल्ने बताइएको छ।
नेपालले १३ जनावरीमा स्कटल्याण्ड र १६ जनावरीमा वेस्ट इन्डिजसँग औपचारिक अभ्यास खेल खेल खेल्ने छ।
विश्वकपको समूह रणमा नेपालले जनावरी २१ न्युजिल्यान्ड, जनावरी २४ मा पाकिस्तान र जनावरी २६ मा अफगानिस्तानसँग खेल्ने तालिका छ।