नेपाल ओलम्पिक कमिटी (एनओसी) को अध्यक्षमा तेस्रो पटक पनि जीवनराम श्रेष्ठ निर्वाचित भएका छन्।
अनलाइन भएको निर्वाचनमा खसेका २० मतमध्ये २० नै प्राप्त गरेका थिए। उनी लगातार तेस्रो पटक अध्यक्ष बनेका हुन्।
अध्यक्षमा पुनः निर्वाचित भएपछि उनले आफूलाई मतदान गर्ने सबैलाई धन्यवाद दिएका छन्। उनले अबको कार्यकालमा नेपाली खेलकुदको विकास र विस्तारका लागि अझ धेरै काम प्रतिबद्धता व्यक्त गरे।
उनले पाटन उच्च अदालतको स्टे अर्डर यस निर्वाचनविरुद्ध नरहेको दाबी गर्दै सर्वोच्च अदालतको निर्णय भने आफूहरूले शुक्रबार अबेरसम्म पनि औपचारिक रूपमा प्राप्त नगरेको दाबी गरे।
उनले गैरकानुनी रूपमा सरकारी हस्तक्षेपकै कारण निर्वाचन अनलाइनबाट गर्नुपरेको पनि बताए ।
मतदानमा अध्यक्ष पदका उम्मेदवार तथा निर्वतमान महासचिव नीलेन्द्रराज श्रेष्ठसहित अरू केही प्रतिनिधिले मतदानमा भाग लिएनन्।