रुपन्देहीमा तेस्रो अन्तर्राष्ट्रिय एमजीके (मिसन गोजुरियो कराते) च्याम्पियनसिप हुने भएकोछ।
तिलोत्तमा नगरपालिकामा चैत २८ गते भुटान, भारत र नेपालका सातै प्रदेशका खेलाडी आई कराते प्रतियोगितामा सहभागिता जनाउने शक्रबार आयोजित पत्रकार सम्मेलनमा जानकारी दिइयो।
२९ र ३० गते हुने प्रतियोगितामा ४ विधामा प्रतिष्पर्धा हुने जापान गोजुरियो कराते डो मिसन संघ नेपालका अध्यक्ष काजी रानाले बताए। प्रतियोगितामा पुरुषतर्फ ११ देखि १७ वर्ष उमेर समूहमा ३५, ४०, ४५, ५५ र ६० केजी तौलको कुमिते विधा हुनेछ।
त्यस्तै, १८ वर्ष माथिका पुरुष समुहमा ५०, ५५, ६०, ६१, ६८, ७५, ८४ र ८४ भन्दा माथिको तौलको कुमिते हुनेछ। महिला तर्फ ९ वर्षमुनिका खेलाडीको २०, २५, २९ र ३३ केजी, १० देखि १७ वर्ष उमेर समुहमा ३५, ४०, ४५, ५०, ५५, ६० केजी र १८ भन्दा माथिको उमेर समुहमा ४५, ५०, ५५, ६१ र ६८ केजीमा कुमिते हुने उनले जनाए।
साथै काता विधा समेत प्रदर्शन हुने रानाले बताए। १० लाख खर्च अनुमान गरिएको प्रतिय्गािताका विजेता खेलाडीले मेडल र प्रमाणपत्र प्राप्त गर्नेछन्।