च्याम्पियन्स लिगको अन्तिम १६ पहिलो लेगका रियल मड्रिड विजयी भएको छ। च्याम्पियन्स लिगको मड्रिड डर्बीमा रियलले घरेलु मैदानमा एट्लेटिको माथि २–१को जित निकाल्यो।
खेलमा रियललाई जित दिलाउन रोड्रिगो र ब्राहिम डियाजले गोल गरे। यता, एट्लेटिकोका लागि जुलियन अल्भारेजले गोल गरेका थिए।
बर्नाबेलमा चौथो मिनेटमै रोड्रिगोले गोल गर्दै रियललाई अग्रता दिलाए। उनले फेडे भाल्भर्डे दिएको पासमा उत्कृष्ट गोल गरेका थिए। ३२औं मिनेटमा एट्लेटिकोले बराबरी गोल फर्कायो। उसका अल्भारेजले पनि उत्कृउष्ट गोल गरेका थिए।
पहिलो हाफ १–१को बराबरीका सकियो। पहिलो हाफमा एट्लेटिकोले पूर्ण रुपमा दबाब बनाएको थियो।
दोस्रो हाफको सुरुआत पनि एट्लेटिकोले सोही अनुसार गरेको थियो। रियलमाथि खेलमा दबाब बनाइरहेको अवस्थामा ५५औं मिनेटमा रियलले खेलमा पुनः अग्रता बनायो। डियाजले डिबक्समा ३–४ डिफेन्डरलाई छलाउँदै उत्कृष्ट गोल गरेका थिए।
खेलमा त्यसपछि गोल नहुदा रियल २–१ले विजयी भयो। अब अन्तिम १६को दोस्रो लेग अर्को साता वान्डा मेट्रोपोलिटानोमा हुनेछ।