तेस्रो एमएम कप राष्ट्रिय यू–१६ क्रिकेट प्रतियोगिताको उपाधि मधेश प्रदेशले जितेको छ। सोमबार पोखरा रंगशालामा भएको फाइलनमा सुदूरपश्चिम प्रदेशलाई ५ विकेटले पराजित गर्दै मधेशले उपाधि जितेको हो।
सुदूरपश्चिमले दिएको ८७ रनको सामान्य लक्ष्य मधेशले २०.४ ओभरमा ५ विकेट गुमाउँदै भेट्टायो। मधेशका लागि परिमार्जन यादवले सर्वाधिक ३० रन बनाउँदा मोहम्मद अरमानले २० रन बनाए।
बलिङमा सुदूरपश्चिमका डम्बर माझीले २ तथा निराजन गौतम र निरज ऐरले समान१ विकेट लिए।
टस जितेर व्याटिङ गरेको सुदूरपशिचम २०.२ ओभरमा ८६ रनमै अलआउट भयो। सुदूरपश्चिमका विशाल विष्टले २४, निराजन गौतमले १८ र सचिन साउदले १४ रन बनाए। अन्य ब्याट्सम्यानले दोहोरोमा अंकमा रन बनाउन सकेनन्।
सुदूरपश्चिमको इनिङ धरासायी बनाउने क्रममा मधेशका धिरेन्द्र पासवानले ४ तथा रोहन यादवले ३ विकेट लिए।
प्रतियोगितामा मधेश प्रदेशका चन्दन राम प्लेयर अफ दि सिरिज घोषित भए। उनले प्रतियोगितामा ८३ रन बनाउनुकासाथै १० विकेट लिएका थिए ।
त्यस्तै प्रतियोगिताभर मा कुल १४ विकेट लिएकासुदुरपश्चिमका डम्बर माझी उत्कृष्ट बने भने कुल १५२रु न बनाएका मधेशका राहुल हक अन्सारी उत्कृष्ट ब्याट्सम्यान बने।
यस्तै १५२ रन बनाएका मधेश प्रदेशका राहुल हक अन्सारी उत्कृष्ट ब्याटर घोषित भए।
उपाधिसँगै मधेशले नगद १ लाख रुपैयाँ प्राप्त गर्दा सुदुरपश्चिमले ५० हजार रुपैयाँ प्राप्त गरेको छ।