विम्बल्डन रद्द भए पनि खेलाडीलाई पुरस्कार दिइने

कोरोना भाइरसको महामारीको कारण यस वर्षको विम्बल्डन टेनिस प्रतियोगिता रद्द भएको छ । प्रतियोगिता रद्द भएपछि आयोजक अल इंग्ल्यान्ड क्लबले पुरस्कार रकम दिने भएको छ ।

अल इंग्ल्यान्ड क्बलले शुक्रबार एक विज्ञप्ति जारी गर्दै प्रतियोगिता नभए पनि खेलाडीलाई पुरस्कार वापतको रकम उपलब्ध गराउने घोषणा गरेको हो । क्लबले बीमा कम्पनीसँगको लामो छलफलपछि यस्तो निर्णय गरिएको बताएइएको छ ।

क्लबका प्रमुख कार्यकारी निर्देशक रिचर्ड लुइसले भनेका छन्, ‘प्रतियोगिता रद्द वित्तिकै हामी यस विषयमा सोचेका थियौं, हामी कसरी खेलाडीलाई मद्दत गर्न सक्छौं, त्यसैले हामीले पुरस्कार वापतको रकम खेलाडी नै उपलब्ध गराउने निर्णय गरेका हौं । हामीलाई सहयोग गर्ने खेलाडीका लागि यो सानो सहयोग मात्र हो ।’

ग्रान्ड स्लाम प्रतियोगितामा विम्बलन्डनमा पुरस्कारवापत १.२५ करोड युरो खर्च हुने बताइएको छ । प्रतियोगितमा महिला र पुरुष सिंगल्स, डबल्स, मिक्स तथा व्हिलचेयर गरी ६२० खेलाडी सहभागी हुन्छन् ।

क्लबका अनुसार मुख्य ड्रमा भाग लिने २५६ खेलाडीलाई प्रतिखेलाडी ३१ हजार युरो दिइने छ । यस्तै छनोट खेल्ने २२४ खेलाडीलाई १५ हजार ६ सय युरोका दरले रकम उपलब्ध गराइने छ । डब्लसमा भाग लिने १२० खेलाडीलाई ७ हजार ८ सय, व्हिलचेयरमा भाग लिने १६ खेलाडीलाई ७ हजार ५ सय, क्वेड व्हिलचेयरमा भाग लिने ४ खेलाडीलाई ६ हजार २ सय युरो उपलब्ध गराइने छ ।

अल इंग्ल्यान्ड क्लबको यो निर्णयको सम्पूर्णले प्रशंसा गरेका छन् । उनीहरुले ‘टेनिस इनिहासमा यो ऐतिहासिक’ फैसला भएको प्रतिक्रिया दिएका छन् । कोरोना महामारीका कारण अन्य खेल प्रतियोगिताहरुले खेलाडीको तलब कट्टा गरिरहेकावेलामा विम्बलडनले भने प्रतियोगिता रद्द हुँदा पनि पुरस्कार रकम दिने अनौठो निर्णय गरेको छ ।

Leave a Reply

Your email address will not be published. Required fields are marked *

CLICK HERE TO SKIP