माल्दिभ्समा शनिबार राति सकिएको काभा महिला क्लब भलिबल च्याम्पियनसिपमा नेपाली खेलाडी उषा भण्डारी सर्वोत्कृष्ट खेलाडी बनेकी छिन्।
प्रतियोगिताभर उत्कृष्ट प्रदर्शन गर्दै नेपाल पुलिस क्लबलाई च्याम्पियन बनाएसँगै उनी सर्वोत्कृष्ट खेलाडी घोषित भएकी हुन्। पुलिसलाई अपराजित हरँदै च्याम्पियन बनाउने उनको भूमिका महत्वपूर्ण थियो।
सर्वोत्कृष्ट खेलाडीसँगै उषा बेस्ट अपोजिट हिटर पनि बिनन्। उनी नेपाली राष्ट्रिय महिला भलिबल टिमकी महत्वपूर्ण खेलाडी हुन्।
यस्तै, सुमित्रा रेग्मी वेस्ट मिडल ब्लकर बन्दा शान्तिकला तामाङ उत्कृष्ट लिबेरो चुनिइन्।
माल्दिभ्सको मालेमा शनिबार उज्वेकिस्तानको हुमो भिसीलाई ३–० को सोझो सेटमा हराउँदै पुलिस च्याम्पियन बनेको थियो।