नेपालका पहिलो पटक आयोजना हुन लागेको फ्रेन्चाइज महिला भलिबल ‘एभरेस्ट महिला भलिब लिग’ भोलिबाट सुरु हुँदैछ।
असोज १९ गतेसम्म चल्ने प्रतियोगितामा ६ फ्रेन्चाइज टिमले प्रस्तिस्पर्धा गर्दैछन्। जसमा काठमाडौं स्पाईकर्स, ललितपुर क्विन्स, मधेश युनाइटेड, चितवन शक्ति, गण्डकी थण्डर्स र कर्णाली यस्विस छन्।
ईन्फिनिटी ड्रिम्सको आयोजनामा हुन लागेको लिगमा लागि सबै टिम तयार देखिएका छन्। खेलाडीहरू फ्रेन्चाइजी लिगलाई लिएर उत्साहित छन्।
लिग सुरु हुनुअघि आइतबार भएको कार्यक्रममा सबै टिमका कप्तान र प्रशिक्षकहरू लिग खेल्न उत्साहित रहेको बताउँदै टिम पूर्ण रुपमा प्रतियोगिताका लागि तयार भएको बताए।
लिगमा काठमाडौंमा उषा भण्डारी, ललितपुरमा सलिना श्रेष्ठ, कर्णालीमा सुमित्रा रेग्मी, चितवनमा अरुणा शाही, गण्डकीमा सरस्वती चौधरी र मधेशमा निरुता ठगुन्नालाई मार्की खेलाडीका रुपमा रहेका छन्।
भोलि हुने उद्घाटन खेलमा काठमाडौं स्पाईकर्स र ललितपुर क्विन्सबीच हुनेछ। खेल त्रिपुरेश्वरस्थित राखेपा कभर्ड हलमा दिउँसो ३ः४५ बजे सुरु हुनेछ।
भोलि नै साँझ ५ः४५ बजे हुने दोस्रो खेलमा मधेश युनाइटेड र कर्णाली याश्विस भीड्ने छन् भन् राति ७ः४५ मा हुने खेलमा चितवन शक्ति र पोखरा टाइटन्स भीड्ने छन्।
सिंगल राउण्ड रोविनका हुने लिगका शीर्ष दुई टिम उपाधिका लागि भीड्ने छन्। कुल १६ खेल हुनेछ।