लुम्बिनी प्रदेश प्रथम सहाना प्रधान यू–१९ भलिबल प्रतियोगिताको पुरुषतर्फ सेमिफाइनलमा प्रवेश गरेको छ।
गण्डकी प्रदेशलाई ३–० को सोझो सेटमा पराजित गर्दै लुम्बिनी सेमिफाइनल प्रवेश गरेको छ। लुम्बिनीले गण्डकीलाई २५–१७, २५–२१ र २५–२१ को सोझो सेटमा हरायो।
गण्डकीले हारे पनि समूह बी को उपविजेताको सेमिफाइनल पुगेको छ। लुम्बिनी ४ अंकसहित समूह विजेता बनेको छ ।
पहिलो खेलको ३ अंक जोडेका कारण हारका बाबजुत पनि गण्डकी सेमिफाइनल पुगेको हो। कोशी भने २ अंकका साथ प्रतियोगिताबाट बाहिरिएको छ।
यससँगै पुरुषतर्फको सेमिफाइनल समीकरण पूरा भएको छ। जसमा समूह ए बाट सुदूरपश्चिम र बागमती तथा समूह बी बाट लुम्बिनी र गण्डकी प्रदेशले सेमिफाइनल खेल्ने भएका छन् ।
महिलातर्फ समूह ए बाट कोशी प्रदेश र लुम्बिनी प्रदेश सेमिफाइनल प्रवेश गरेका छन् । समूह बी बाट गण्डकी र बागमती सेमिफाइनल पुगेका छन्।