रुससागको मैत्रीपूर्ण भलिबलमा नेपाली महिला टिमले लागतार दोस्रो हार व्यहोरेको छ।
सोमबार त्रिपुरेश्वरस्थित दशरथ रंगशाला कभर्ड हलमा भएको खेलमा नेपाली टिम ३–०को सोझो सेटमा पराजित भयो ।
पहिलो सेट २५–१४ ले गुमाएको नेपाली टिमले त्यसपछि दुई सेटम भने रुसी टिमलाई टक्कर दिएको थियो। तर, जित भने निकाल्न सकेन। नेपालले दोस्रो सेट २५–२३ र तेस्रो सेट २५–२२ ले गुमायो।
त्यसअघि आइतबार भएको पहिलो खेलमा पनि नेपाल ३–० ले नै पराजित भएको थियो ।
नेपालले आसन्न काभा नेसन्स लिगको तयारीको रुससँग मैत्रीपूर्ण खेल खेलेको हो। खेलका नेपालस्थित रुसी दूतावासको सहयोग गरेको थियो।