नेपाली महिला टिम भुटानमा जारी काभा बिच भलिबल च्याम्पियनसिपको फाइनलमा पुगेको छ।
शनिबार बिहान भएको सेमिफाइनलमा उज्वेकिस्तानलाई २–० को सेटमा पराजित गर्दै नेपाली टिम उपाधि नजिक पुगेको हो।
मनिषा चौधरी र कमला पुन नेपाली जोडीले उज्वेकिस्तानलाई २१–१३, २१–१२ ले हरायो।
नेपाली टोली समूह चरणमा खेलेको तीनवटै खेल जित्दै अपराजित रहेर सेमिफाइनल पुगेको थियो। मनिषा र कमलाको जोडी एउटै पनि सेट नहार्दै फाइनल पुगेको हो।
यता, पुरुषतर्फ नेपालको मानबहादुर श्रेष्ठ र दिल सुनारको जोडीले आजै सेमिफाइनलमा माल्दिभ्ससँग खेल्नेछ।
प्रतियोगिताको फाइनल पनि आजै हुनेछ।