रियल मड्रिडको महत्वपूर्ण खेलाडी हुन्, उरुग्वेका फेडेरिको भाल्भर्डो । उनी मैदानमा जुन सुकै पोजिसनमा खेल्न तयार हुन्छन्, र आफ्नो बेस्ट दिन्छन्।
तिनै २५ वर्षीय भाल्भर्डोमाथि इंग्ल्सि क्लब लिभरपुलले नजर लगाएको छ। प्रशिक्षक योर्गेन क्लोप भाल्भर्डेलाई भित्र्याउँदै टिमलाई थप बलियो बनाउन चाहन्छन्।
भाल्भर्डेका लागि लिभरपुल क्लबकै कीर्तिमानी रकम खर्चन तयार रहेको बताइएको छ। यो समरमा भाल्भर्डेलाई भित्र्याउन लिभरपुलले १२९ मिलियन पाउण्डको प्रस्ताव गर्न लागेको बताइएको छ।
लिभरपुलले अघिलेसमम कुनैपनि खेलाडीका १ सय मिलियन पाउण्ड पनि खर्चिएको छैन। लिभरपुलका सबैभन्दा महँगा खेलाडी डार्विन नुनेज हुन्, उनका लागि लिभरपुलले ८५.३६ मिलियन पाउण्ड खर्चिएको थियो।
तर, रियल भने भाल्भर्डेलाई बेच्न चाहँदैन। रियलको मिडफिल्डका उनी मुख्य खेलाडी हुन्।