सबै खेल 
इन्डियन प्रिमियर लिग (र्आइपिएल) अन्तर्गत शनिबार राति भएको लो स्कोरिङ थ्रीलर म्याचमा राजस्थान रोयल्स विजयी भएको छ। राजस्थानले पञ्जब किग्सलाई ३ विकेटले हरायो।
पञ्जाबले दिएको १४८ रनको लक्ष्य राजस्थानले १ बल बाँकी छँदा ७ विकेटको क्षतिमा भेट्टायो। उसका लागि सिम्रन हेटमायरले १० बलमा २७ रन बनाउँदै टिमलाई जित दिलाए।
यस्तै, यशस्वी जैसवालले २८ बलमा ३८, तनुस कोटिनले २४ र रियान परागले २३ रनको योगदान दिए।
बलिङमा पञ्जाबका कप्तान साम करण र कागिसो रबाडालो समान २ विकेट लिए। यस्तै, अर्शदीप सिंह, लिअम लिभिङ्स्टन र हर्षल पटेलले समान १ विकेट लिए।
त्यसअघि पहिला ब्याटिङ गरेको पञ्जाबले निर्धारित ओभरमा ८ विकेटको क्षतिमा १४७ रन बनायो। उसका लागि आशुतोष शर्माले सर्वाधिक ३१ रन बनाए। उलने १६ बलमा १ चौका र ३ छक्का प्रहार गरे।
यस्तै, जितेश शर्माले २४ बलमा १ चौका र २ छक्का मद्दतमा २९, लिभिङ्स्टनले १४ बलमा २१ रन बनाउँदा ओपनरद्वय अथर्व ताइडे र जोनी बेइस्टोले समान १५ रन बनाए।
बलिङमा राजस्थानका केशव महाराज र आभेस खानले समान १ विकेट लिँदा ट्रेन्ट बोल्ट, कुलदीप सेन र युजभेन्द्र चहलले समान १ विकेट लिए।
यो जितपछि राजस्थान ६ खेलमा १० अंक जोड्दै शीर्ष स्थानमै छ। यता, पञ्जाब भने ६ खेल २ जित मात्र निकाल्दै ४ अंकसहित आठौं स्थानमा छ।
