सबै खेल 
नेपाली क्रिकेट टोलीका कप्तान दीपेन्द्रसिंह ऐरी आईसीसीकाे टी-२०आई अलराउन्डर वरियतामा एक स्थान तल झरेका छन्।
आईसीसीले बुधबार गरेकाे नयाँ अपडेटमा दीपेन्द्र चौथोबाट पाँचौं स्थानमा झरेका छन्। उनको रेटिङ अंक २५५ छ
नेपाली पुरुष टोलीले एसियन गेम्स खेलेपछि पछिल्लो समय टी-२०आई खेलेको छैन।
दीपेन्द्रभन्दा तल रहेका रस्टन चेजले हाल भारतसँगको टी-२०आई शृङ्खलामा खेलिरहेका छन्। त्यहाँ गरेको प्रदर्शनका आधारमा चेज तेस्रोमा उक्लिएकाले दीपेन्द्र तल झरेका हुन्।
अलराउण्डर वरियताको शीर्ष स्थानमा जिम्बाबेका सिकन्दर राजा यथावत् भने दोस्रो स्थानमा पाकिस्तानका सइम अयुब छन्।
