रोहित शर्माको शतकका बाबजुद मुम्बई इन्डियन्स आईपिएलमा पराजित भएको छ। आइतबार राति वानखेडेमा भएलमो चेन्नई सुपर किंग्सले मुम्बईमाथि २० रनको जित निकाल्यो।
चेन्नाईले दिएको २०७ रनको लक्ष्य पछ्याउने क्रममा मुम्बईले ६ विकेट गुमाएर १८६ रन मात्रै बनाउन सक्यो। मुम्बईका लागि रोहित शर्मा शतक प्रहार गरी नट आउट रहे। उनले ६३ बलमा ११ चौका र ५ छक्का प्रहार गरी १०५ रन बनाए।
त्यस्तै तिलक बर्माले २० बलमा ५ चौका प्रहार गरी ३१ रनको जोडे। ओपनर इशान किशनले १५ बलमा ३ चौका र १ छक्का प्रहार गरी २३ रनको योगदान गरे।
बलिङमा चेन्नाईका मथिशा पाथिरानाले ४ विकेट लिए भने तुशार देशपाण्डे र मुस्ताफिजुर रहमानले समान १ विकेट लिए।
वानखेडे स्टेडियममा पहिले ब्याटिङ गरेको चेन्नईले ४ विकेट गुमाएर २०६ रन बनाएको थियो। उसका लागि शिवम दुबे ६६ र महेन्द्रसिंह धोनी २२ रन बनाएर नट आउट रहे।
दुबेले ३८ बलमा १० चौका र २ छक्का प्रहार गरे भने ४ बल खेलेका धोनीले ३ छक्का प्रहार गरे। त्यसअघि कप्तान रूतुराज गायकवाडले ४० बलमा ५ चौका र ५ छक्का हानेर ६९ रन बनाएका थिए।
बलिङमा मुम्बईका कप्तान हार्दिक पाण्ड्याले २ तथा जेराल्र्ड कोट्जी र श्रेयस गोपालले समान १ विकेट लिए।
जितसँगै चेन्नई उसले ६ खेलबाट ८ अंक जाड्दै तेस्रो स्थानमा उक्लिएको छ भने मुम्बई ४ अंकसहित आठौं स्थानमा छ।