पञ्जाब पञ्जाब किंग्सका का आशुतोष शर्मा अहिले गज्जबका फर्मममा छन्। सातौं–आठौं नम्बरमा ब्याटिङका लागि आउने आशुतोषले आईपिएयमा यो सिजन २ सय बढीको स्ट्राइकमा ब्याटिङ गरिरहेका छन्।
२५ वर्षीय आशुतोषले ४ खेलमा १ अर्धशतकसहित १५६ रन बनाएका छन्। आशुतोषले बिहीबार मुल्लापुरमा मुम्बई इन्डियन्सविरुद्ध गज्जबको ब्याटिङ गरे। उनले २८ बलमा २ चौका र ७ छक्का प्रहार गर्दै ६१ रन बनाए।
आशुतोषले प्रहार गरेका ७ छक्का मध्ये एक छक्का जसप्रित बुमराहविरुद्ध भयो। उनले अफ स्टमको बललाई लेग साइडमा स्वीप गर्दै छक्का प्रहार गरेका थिए।
खेलपछि आशुतोषले बुमराहको बलमा स्वीप खेल्दै छक्का प्रहार गर्ने आफ्नो सपना साकार भएको बताएका छन्।
‘बुमराहको बलमा स्वीप सट खेल्ने मेरो सपना थियो। मैले यो शटका लागि थुप्रै अभ्यास गरेको थिए। विश्वकै उत्कृष्ट बलरविरुद्ध स्वीप सटमार्फत छक्का हान्न सकेँ, खुसी छु,’ खेलपछि आशुतोषले सञ्चारकर्मीलाई प्रतिक्रिया दिँदै भने।
उनले आफू क्रिजमा हुँदासम्म टिमलाई जितानेसक्ने लागेको बताउँदै त्यो पुरा नभएको बताए। खेलमा पञ्जाबले ९ विकेटले हारेको थियो। आशुतोषले आफू हार्डहिटर नभएको बताउँदै क्रिकेटको बेसिक सट खेल्ने बताए। उनले त्यो आफ्नो बलियो पक्ष भएको बताए।