सुपरस्टार क्रिस्टियानो रोनाल्डो चम्किएपछि युरोकपमा छनोट भइसकेको पोर्चुगलले सानदार जित दर्ता गरेको छ। रोनाल्डोले २ गोल गरेको खेलमा पोर्चुगलले बोसनिया हर्जगोभिनाकोमाथि ५–०को जित निकाल्यो।
पेनाल्टीमा पाएको अवसरमा रोनाल्डोले पाँचौं मिनेटमै पाहुना टोलीलाई अग्रता दिलाएका थिए । उनले २०औं मिनेटमै अग्रता दोब्बर बनाए । ब्रुनो फर्नान्डेसले २५औं मिनेटमा र जोआ क्यान्सेलोले ३२औं मिनेटमा गोल गरेका थिए।
पहिलो हाफमै जोआ फेलिक्सले पनि एक गोल गरेका थिए। यससँगै पहिलो हाफ सकिँदा पोर्चुगले ५(० ले अघि थियो । तर राम्रो कमब्याक गरेको बोसनियाा हर्जगोभिनाले गोल फर्काउन सकेन । समूह जेअन्तर्गतकै अर्को खेलमा भने स्लोभाकियाले लक्जम्बर्गलाई १(० गोलले हराइसकेको छ । स्लोभाकिया पनि युरो कपमा छनोट भइसकेको छ ।
त्यसैगरी, समूह बीको खेलमा नेदरल्यान्ड्सले ग्रिसलाई १–० ले हराएको छ। खेलको निर्धारित ९० मिनेटसम्म पनि गोल नभएपछि डिफेन्डर भर्जिल भान डाइकले इन्ज्युरी समयमा डेडलक टोडेका थिए।
पेनाल्टी बक्समा डेन्जल डमफिजलाई फउल गरिएपछि पाएको पेनाल्टीको अवसरमा भान डाइकले गोल गरेका हुन् । तर उक्त फल प्रोटेस्ट गर्ने क्रममा ग्रिसका प्रशिक्षक गुज पोयटले रातो कार्डको सजाय पाएका थिए ।
अब नेदरल्यान्ड्सले जिब्राल्टर र आयरल्यान्डलाई हराउन सके युरो कपमा स्थान सुरक्षित गर्नेछ । यो समूहबाट फ्रान्स युरो कपमा छनोट भइसकेको छ ।