आसन्न मल्टिडे प्रतियोगितामा एलिट कप क्रिकेटमा बागमती प्रदेशले आफ्नो अन्तिम टिम घोषणा गरेको छ।
एउटा अभ्यास खेल खेलेपछि बागमतीले सन्दीप लामिछानेको कप्तानीमा एलिट कपका लागि १५ सदस्यीय टिम घोषणा गरेको हो।
यसअघि प्रारम्भिक टिममा रहेका रविन जोशी, अशोक पौडेल र दयानन्दा मन्डललाई बाहिर राख्दै अन्तिम टिम घोषणा गरिएको हो।
एलिट कपमा बागमतीको बलिङ लाइनअप निकै बलियो देखिएको छ। उसको टिममा कप्तान सन्दीससहित स्टार बलरहरु रिजन ढकाल, नन्दन यादव, प्रतिश जिशी, सूर्य तामाङ, तिलक राजभण्डारी छन्।
ब्याटिङमा भने बागमती केही कमजोर छ। ब्याटिङमा उसका आशुतोष घिरैया, इशान पाण्डे, उत्तम थापामगर, रित गौतम जस्ता खेलाडी छन्।
पुस २१ गतेबाट जनकपुर र पर्सामा हुने प्रतियोगितामा बागमतीले पुस २१ र २२मा मधेश प्रदेशसँग खेल्ने छ भने पुस २४ र २५मा त्रिभुवन आर्मी क्लब र पुस २७ र २८ गते नेपाल पुलिससँग खेल्ने छ। तीन वटै खेल जनकपुरमा हुनेछ।
बागमती टिम : सन्दीप लामिछाने, सूर्य तामाङ, रिजन ढकाल, प्रतिश जिसी, उत्तम थापामगर, आशुतोष घिरैया, रित गौतम, इशान पाण्डे, विपिन आचार्य, शुभ कंशकार, रोहन विक, सूर्यंशु कोइराला, नन्दन यादव, प्रतिक श्रेष्ठ, तिलक राजभण्डारी।