एन्फाको आपतकालिन बैठक आज बस्दै

अखिल नेपाल फुटबल संघ (एन्फा)को आपतकालिन बैठक आज बस्दैछ । सोमबारका लागि बोलाइएको आपतकालिन बैठक स्थगित भएपछि बैठक आज बस्न लागेको हो । बैठक सातदोबाटोस्थित एन्फा कम्प्लेक्समा दिउँसो २ बजे सुरु हुनेछ ।

सोमबार दिउँसो १ बजेका लागि बोलाइएको आपतकालिन बैठक वरिष्ठ उपाध्यक्ष पंकजविक्रम नेम्वाङ अनुपस्थित भएपछि स्थािगत भएको थियो। वरिष्ठ उपाध्यक्ष नेम्वाङले अवस्थ रहेको भन्दै बैठकमा उपस्थित हुन नसक्ने बताएका थिए ।

नेम्वाङ अनुपस्थित भएपछि आपतकालिन समितिको सोमबार हुन सकेन । आपतकालिन समितिमा ५ सदस्य छन्, जसमा अध्यक्षसहित ४ उपाध्यक्ष छन् । एन्फा विधान अनुसार आपतकालिन बैठकमा सबै सदस्यको उपस्थिति अनिवार्य छ । यस्तै, सबै सदस्यको अनुपस्थितिविना गरिएका कुनै पनि निर्णयले वैधानिकता पाउँदैन ।

बैठकमा मानार्थ अध्यक्षको पुनरवहाली, भक्तपुर जिल्ला फुटबल संघलाई कारबाही गर्ने, कोरोना भाइरस प्रभावित खेलाडीलाई राहत वितरणलगायतका विषय आपतकालिन बैठकको एजेन्डा थियो।

Facebook Comments Box

Leave a Reply

Your email address will not be published.