दुई पटकको अग्रता जोगउन नसक्दा लेभान्टेसँग रोकियो बार्सिलोना, उपाधि होडमा धक्का

ला लिगाको उपाधि होडमा रहेको क्याटलन क्लब बार्सिलोना बराबरीमा रोकिएको छ। मंगलबार राति भएको खेलमा दुई पटकको अग्रता जोगाउन नसक्दा बार्सिलोना लेभान्टेसँग ३–३ गोलको बराबरीमा रोकियो ।

लिगका २ खेल मात्र खेल्न बाँकी रहेको अवस्थामा यो बराबरीले बार्सिलोनाको उपाधि होडमा धक्का लागेको छ। बराबरीपछि बार्सिलोना तेस्रो स्थानको रियल मड्रिड र शीर्ष स्थानको एट्लेटिको मड्रिडभन्दा समान १ अंकले अघि र पछि छ। तर, दुवै टिमले १ खेल खेम खेलेका छन्।

शीर्ष स्थानको एट्लेटिकोको ७७ अंक, दोस्रो स्थानको बार्सिलोनाको ७६ र तेस्रो स्थानको रियलको ७५ अंक छ । उनीहरुलाई सेभियाले ७१ अंकका साथ पछ्याइरहेको छ।

यस्तो अवस्थामा बार्सिलोनाले उपाधि जित्न बाँकी दुवै खेल जित्नु पर्ने छ भने एट्लेटिको र रियलले कम्तिमा एक हार्नुपर्ने छ। ३६औं चरणमा एट्लेटिकोले रियल रोसिडाड र रियलले ग्रानडाको सामाना गर्ने छ ।

खेलको पहिलो हाफमै दुई गोलको अग्रता बनाएको बार्सिलोनाले अग्रता जोगाउन सकेन। २५औँ मिनेटमा लियोनल मेसी गोल गर्दै बार्सिलोनालाई सुरुआती अग्रता दिलाए । त्यसको ४ मिनेटपछि नै ३४औँ मिनेटमा पेड्रीले बार्सिलोनाको अग्रता दोब्बर बनाए ।

पहिलो हाफमा बार्सिलोनाविरुद्ध निकै दबाबमा खेलेको लेभान्टेले दोस्रो हाफमा उत्कृष्ट खेल प्रदर्शन ग¥यो । र, ३ मिनेटम दुई गोल गर्दै खेललाई नाटकीय रुपमा बराबरीमा ल्यायो ।

लेभान्टेका ५७औँ मिनेटमा गोन्जालो मेलेरो र ५९ औँ मिनेटमा जोसे लुइज मोरालेसले गोल गरेका थिए । ६४औं मिनेटमा उसमान डेम्बेलेले गोल गर्दै बार्सिलोनालाई पुनः अग्रता दिलाए । तर, खेलको ८३ औँ मिनेटमा सर्जिओ लिअनले उत्कृष्ट गोल गर्दै खेललाई बराबरीमा ल्याए।

Facebook Comments Box