युरोपा लिगको क्वाटरफाइनल ड्र शुक्रबार निकालिएको छ। जसमा उपाधिको बलियो दाबेदार रहेको लिभरपुलले इटालीको एटलान्टाको सामना गर्ने भएको छ । लिभरपुल यो सिजन चार उपाधि जित्ने सम्भावनाको बाटोमा छ।
लिभरपुल इंग्लिस प्रिमियर लिगको उपाधि होडमा पनि छ भने एटलान्टा इटालीको सिरी ए को छैटौं स्थानमा छ। यस्तै एसी मिलानले अर्काे इटालीयन क्लब एएस रोमाकाे सामाना गर्दा जर्मन बायर लेभरकुजनले वेस्टह्याम तथा बेनफिकाले मार्सेलीविरुद्ध खेल्नेछ।
क्वाटरफाइनलमा विजयी रहे लिभरपुलले बेनफिका र मार्सेबीच हुने खेलको विजेताको सामना गर्नेछ ।
अर्को सेमिफाइनलमा मिलान र रोमा तथा लेभरकुजन र वेस्ट ह्यामबीचको खेल विजेता भिड्ने छन् ।