ला लिगा जुन ११ मा सुरु भएर १९ जुनाईमा सकिने

कोरोना भाइरसका कारण स्थागित गरिएको स्पेनिस ला लिगा जुन दोस्रो साताबाट सुरु हुने भएको छ । कोरोनाको महमारीका कारण मार्चदेखि रोकिएको ला लिगा ११ जुनबाट सुरु हुने भएको हो ।

ला लिगाका अध्यक्ष जावियर टेवासले लिग ११ जुनबाट सुरु गरेर जुनलाई १९ मा सकिने बताएका छन् । उनले बिहीबार क्लबहरुसँगको बैठकमा यस्तो बताएका हुन् ।

अध्यक्ष टेवासले सोही दिनबाट सेकेन्ड डिभिजन लिग पनि सुरु हुने बताए । उनले पहिलो दिन ला लिगामा सेभिया र रियल बेटिस भिड्ने छन् भने सेकेन्ड डिभिजनमा रायो भाल्कानो र अल्बासेट भिड्ने छन् ।

बिहीबार ला लिगाले क्लब तथा रेफ्रीहरुसँग छलफल गरेको थियो । सो छलफलले लिगको तालिकाका बारेमा सहमति गरेको टेवाले जानकारी दिएका छन् । टेवासाले ला लिगा चार टाइममा हुने पनि बताएका छन् । उनका अनुसार स्थानीय समय अनुसार बेलुका ५ः३०, ७ः३०, ९ः३० र ्१० सुरु हुने छन् ।

केही दिन अघि स्पेन सरकारले ८ जुनबाट सुरु गर्न अनुमति दिएपछि ला लिगाको लिगको मिति सर्वाजनिक गरेको हो । प्रिमियर लिग क्लबहरुले ३ साताअघि देखि प्रशिक्षण सुरु गरिसेका छन् ।

Leave a Reply

Your email address will not be published. Required fields are marked *