सिटी एफए कपको सेमिफाइनलमा

डिफेन्डिङ च्याम्पियन म्यान्चेस्टर सिटी एफए कप फुटबलको सेमिफाइनलमा प्रवेश गरेको छ । आन्तिम चारमा आफ्नो स्थान पक्का गर्ने क्रममा सिटीले आइतबार राति न्युकासल युनाइटेडलाई २–०ले हरायो ।

न्युकासलको मैदानमा सिटीलाई जित दिलाउन केभिन डे ब्रुयन र रहिम स्टर्लिङले गोल गरे । सिटीले दुवै हाफमा समान १ गोल गरेको थियो ।

ब्रुयनले ३७ औं मिनेटमा पेनाल्टीमा गोल गर्दै सिटीलाई अग्रता दिलाए । न्युकासलका डिफेन्डरले स्ट्राइकर ग्याब्रियल जेसुसलाई लडएपछि सिटीले पेनाल्टी पाएको थियो । स्टर्लिङले ६८ औं मिनेटमा उत्कृष्ट गोल गर्दै सिटीको जित सुनिश्चित गरेका थिए । उनले फिल फोडेनको पासमा गोल गरेका थिए, यो स्टर्लिङको सिजनको २२ औं गोल हो ।

न्युक्यासल सन् २००० पछि पहिलो पटक एफ ए कपको सेमिफाईनलमा प्रवेश गरेको थियो । तर, उसको यात्रा अन्तिम ४ भन्दा अघि बढ्न सकेन ।

Leave a Reply

Your email address will not be published. Required fields are marked *