राष्ट्रिय टिमका खेलाडीको कोरोना परीक्षण आज हुने

राष्ट्रिय टिमको बन्द प्रशिक्षण सहभागी हुने फुटबलरको कोरोना प्रशिक्षण आज (सोमबार) हुने भएको छ । एन्फाले विश्वकप छनोट खेलका लागि बन्द प्रशिक्षण सुरु गर्न खेलाडीको कोरोना परीक्षण गर्न लागेको हो ।

बन्द प्रशिक्षणमा सहभगाी हुने खेलाडीहरु अहिले होटल तथा होम क्वारेन्टाइनमा छन् । खेलाडीसँगै प्रशिक्षक, अफिसियल र होस्टलका कर्मचारीको कोरोना परीक्षण गरिने छ । एन्फाका अनुसार ११ जना खेलाडीसहित १३ जना होटल र २२ जना खेलाडी होम क्वारेन्टिमा बसेका छन् ।

एन्फाले कोरोना संक्रमण रोकथामका लागि खेलाडीहरुको पोषणसम्बन्धी निर्देशिका पनि बनाएको छ । बिहीबार एन्फाले सुन्दर ढोका साथी सेवासँगको सहकार्यमा एन्फा होस्टल, एन्फा कार्यालयलगायत स्थानलाई डिसइन्फेक्ट गरेको थियो ।

कोरोना महामारी रोकथामका लागि गरिएको लकडाउनका कारण चैतदेखि राष्ट्रिय टिमको प्रशिक्षण स्थगित भएको थियो । नेपाल सरकारले भदौ १ गतेदेखि अन्तर्राष्ट्रिय प्रशिक्षण सुरु गर्न सकिने निर्णय गरेपछि एन्फाले फुटबल खेलाडीको प्रशिक्षणका लागि विभिन्न चरणमा तयारी गरिरहेको छ ।

बन्द प्रशिक्षणमा रहने ३४ मध्ये ३३ खेलाडी अहिले उपत्यकामा क्वारेन्टिनमा छन् । कोही खेलाडी घरमै क्वारेन्टिनमा छन् भने कोही खेलाडीलाई एन्फाले होटलमा राखेको छ । रन्जित धिमाल भने पारिवारिक कारण केही समयपछि मात्रै प्रशिक्षणमा सहभागी हुनेछन् । फिफा र डब्ल्युएचओका साथै नेपाल सरकारको स्वास्थ्य सुरक्षासम्बन्धी निर्देशिकाअनुसार नै एन्फाले खेलाडीको प्रशिक्षण गर्ने जनाएको छ ।

नेपालले घरेलु अक्टोबर ८ मा चाइनिज ताइपेई, अक्टोबर १३ मा अष्ट्रेलिया र नोभेम्बर १२ मा जोर्डनसँग खेल्ने तालिका छ । तर, विश्वकप छनोटको नयाँ प्रस्तावपछि तीनवटै खेल नेपालमा नहुने सम्भावना बढेको छ । दशरथ रंगशालाको पुनर्निर्माण नसकिँदा नेपालले कुवेतसँगको होम खेल भुटानमा खेलेको थियो ।

सन् २०२२ को विश्वकप र सन् २०२३ को एसियन कप छनोटमा नेपाल समूह बीमा छ। नेपाल रहेको समूहमा अष्ट्रेलिया, जोर्डन, कुवेत र चाइनिज ताइपेई छन् । नेपालले छनोटका ५ खेल खेलिसकेको छ, जसमा नेपालले एकमा जित र चार खेलमा पराजित भएको छ।

विश्वकप छनोट अन्तर्गत नेपालले चाइनिज ताइपेईलाई उसकै मैदानमा २–० ले हराएको थियो भने कुवेतसँग ७–० ले, अष्ट्रेलियासँग ५–० र जोडर्नसँग ३–० ले पराजित भएको थियो । भुटानमा भएको खेलमा नेपाल कुवतेसँग १–० ले पराजित भएको थियो।

Leave a Reply

Your email address will not be published. Required fields are marked *