ब्राजिलियन महान फुटबल पेलेले सन् १९५८ मा जितेको विश्वकपको विजयी पदक लिलामी गरिने भएको छ।
यसै महिना इंग्ल्यान्डमा ६ लाख ७० हजार डलरमा लिलामी हुने अपेक्षा गरिएको छ।
पेलेको यो पदक खेलकुद स्मृति विशेषज्ञ बीयूडीडीएसद्वारा बिक्रीमा राखिएका ४ सय ५० वटा विश्वकप सम्बन्धित वस्तुको सूचीको सुरुआतमै छ। यी सबै बिक्रीबाट कुल २ करोड पाउन्ड आम्दानी गर्ने अनुमान छ।
न्युयोर्कको सोथेबीमा हुने अर्को एउटा अक्सनमा पेलेले १९५८ को विश्वकप फाइनलमा लगाएको टिसर्ट ६० लाख डलरमा बिक्री हुने अनुमान गरिएको छ। अक्सन २९ जुनदेखि १६ जुलाईसम्म चल्नेछ, यो विश्वकप फाइनलको तीनदिन अगाडि हो । पेलेले १७ वर्षको उमेरमा १९५८ को त्यो फाइनल खेलेका थिए । ब्राजिलले स्विडेनविरुद्ध ५ गोल गर्दा पेलेले २ गोल गरेका थिए।
ब्रिटिस अक्सनमा इंग्ल्यान्डका गोलरक्षक गोर्डोन बङसको टिसर्ट पनि राखिएको छ। उनले सन् १९७० मा मेक्सिकोमा भएको विश्वकपमा पेलेको प्रहार बचाउ गरेको प्रसिद्ध क्षणमा पर्छ । अक्सनमा इंग्ल्यान्डले १९६६ मा विश्वकप जित्दाका सामग्रीहरू पनि छन्, त्यसमा बङसको विजयी पदक र एलन बलको टिसर्ट रहेको छ ।
‘द किङ’ उपनाममा पाएका पेलेले ब्राजिललाई अर्को दुई पटक विश्वकप जिताउन महत्त्वपूर्ण भूमिका खेलेका थिए। ब्राजिलले कुल पाँच पटक विश्वकप जितेको छ। एडसन अरान्टेज डो नासिमेन्टोको नामबाट जन्मिएका पेलेको २०२२ मा ८२ वर्षको उमेरमा क्यान्सरबाट निधन भएको थियो।