नेपाल प्रियिमर लिगको फ्रेन्चाइजी टिम लुम्बिनी लायन्सले दोस्रो संस्करणका लागि ६ खेलाडी रिनेट गरेको छ।
मंगलबार नै कप्तान तथा मार्की खेलाडी रोहितकुमार पौडेललाई रिनेट गर्ने घोषणा गरेको लुम्बिनीले बुधबार थप ५ खेलाडीलाई रिटेन गरेको छ।
लुम्बिनीले राष्ट्रिय टिमबाट खेलिसकेका ब्याट्सम्यन सन्दीप जोरा र अलराउन्डर विवेक यादवलाई रिटेन गरेको छ। दुवै राष्ट्रिय टिमबाट खेलपछि पछिल्लो स्कटल्यान्ड भ्रमणमा भने टिममा थिएनन्।
यस्तै, लुम्बिनीले दुई युवा स्पिनर तिलक भण्डारी र अविशेष गौतम तथा युवा ब्याट्सम्यान दिनेश अधिकारीलाई पनि रिटेन गरेको छ। लुम्बिनीले दुर्गेस गुप्ता, अर्जुन साउद, सूर्य तामाङ जस्ता खेलाडीलाई छाडेर युवा खेलाडीलाई रिटेन गरेको हो।