एएफसी महिला च्याम्पियन्स लिगको छनोट चरण खेलिरहेको नेपालको एपिएफ क्लबले आज साउदी क्लब अल नासरसँग खेल्दै छ। खेल उज्वेकिस्तानको क्वार्सीस्थित मार्काजिय स्टेडियममा नेपाली समय अनुसार साँझ सवा ६ बजे सुरु हुनेछ।
समूह बीमा रहेको एपिएफले यसअघि दुवै खेल हारेकाले उसको अघिल्लो चरणको सम्भावना समाप्त भइसकेको छ। अल नासरले अघिल्ला दुवै खेल गुमएको थियो।
त्यसैले एपिएफ र अल नासर दुवैका लागि यो खेल प्रतिष्ठाका लागि मात्र हुनेछ।
एपीएफ पहिलो खेलमा उज्बेकिस्तानको नासाफ पीएफसीसँग ३–० र दोस्रो खेलमा थाइ क्लब कलेज अफ एसियन स्कोलार्ससँग ५–० ले पराजित भएको थियो।
प्रारम्भिक चरणमा रहेका ५ समूहबाट शीर्ष हुने टोलीहरू तथा ५ मध्ये एक उत्कृष्ट उपविजेताले अघिल्लो चरणमा स्थान बनाउने छ ।