पहिलो पटक साफ महिला क्लब च्याम्पियनसिप फुटबल प्रतियोतिगा आयोजना हुने भएको छ।
साफले प्रतियोगिताको मिति आगामी डिसेम्बरका लागि तय गरेको छ। यसअघि साफ कांग्रेसले प्रतिोगिता नोभेम्बरमा गर्ने तय गरेको थियो। ्
प्रतियोगिता नेपालमै डिसेम्बर ५ देखि २० सम्म हुने छ। जसमा साफमा नेपालसहित ५ देशका ५ क्लबको सहभागीता रहने छन्।
प्रतियोतिगामा नेपालबाट विभागीय टिम एपिएफ क्लबले सहभागीता जनाउने छन्। एपिएफले लागतार दुई पटक एसियन महिला च्याम्पियन्स लिग छनोट खेलेको छ। तर, दुवै पटक ऊ छनोट चरणबाटै बाहिरिएको छ।
यस्तै, प्रतियोगितामा बंगलादेशको नस्रिन स्पोर्ट्स एकेडेमी, भुटानको ट्रान्सपोर्ट युनाइटेड लेडिज एफसी, भारतको इस्ट बंगाल एफसी र पाकिस्तानको कराची फुटबल क्लब सभागी हुनेछन्।