युगाण्डा पहिलो पटक टी–२० विश्वकपमा छनोट भएको छ। अफ्रिकी छनोटको समूह चरणको अन्तिम खेलमा रुवान्डालाई ९ विकेटले हराउँदै युगान्डाले विश्वकपमा स्थाान पक्का गरेको हो।
यता, युगान्डा विश्वकपमा छनोट हुँदा टेस्ट राष्ट्र जिम्बाबे भने छनोटमै रोकिएको छ।
छनोटमा युगाण्डा नामिबियासँग ६ विकेटले पराजित भए पनि अरु सबै ५ खेलमा विजयी भयो। उसले तान्जानिया, जिम्बाब्वे, नाइजेरिया र केन्यालाई हराएको हो।
अफ्रिकी महादेशबाट नामिबिया यसअघि नै विश्वकपमा छनोट भइसकेको थियो। नामिबिया र युगण्डा विश्वकपमा छनोट हुँदा टेष्ट राष्ट्र जिम्बाब्वेसँगै केन्या विश्वकपमा पुग्न असफल भएका छन् । नामिबियाले नाइजेरियासँग खेल्नै बाँकी छ।