नेपाली राष्ट्रिय फुटबल टोलीका पूर्वप्रशिक्षक भीम थापाको निधन भएको छ।
थापाको बिहीबार राति निधन भएको अखिल नेपाल फुटबल संघ (एन्फा)ले जनाएको छ। कुलेश्वरस्थित घरमै ढलेका ७५ वर्षीय थापालाई परिवारले मेडिसिटी अस्पताल पु¥याएका थिए । थापालाई मेडिसिटी अस्पतालका चिकित्सकले मृत घोषणा गरेका थिए।
नेपालको उमेर समूहबाट फुबटल खेलेका थापाले न्यूरोड टीम (एनआरटी), महावीर क्लबलगायत क्लबबाट व्यवसायिक फुटबल खेलेका थिए।
थापाले एन्फाको सहमहासचिव र टेक्निकल डाइरेक्टरको समेत कार्यगरेका छन्। एन्फा एकेडेमीको एक्सन प्लान उनै थापाले बनाएका थिए।
थापाको पार्थिव शरीर शुक्रबार अन्तिम श्रद्धान्जलीका लागि एन्फा कम्प्लेक्स सातदोबाटोमा राखिएको थियो। आजै पशुपति आर्यघाटमा अन्त्येष्टि गरिने भएको छ।