सबै खेल 
नेपाल प्रिमियर लिग (एनपीएल)को फ्रेन्चाइज टोली सुदूरपश्चिम रोयल्सलाई रोयल ट्युलिप काठमाडौंले स्टे पार्टनरका रूपमा साथ दिने भएको छ।
रोयल ट्युलिप काठमाडौंका महाप्रबन्धक बलराम पाठक र सुदूरपश्चिमका प्रमुख कार्यकारी अधिकृत प्रकाश खड्काले सम्झौतापत्रमा हस्ताक्षर गरे ।
महाप्रबन्धक पाठकले सुदूरपश्चिम रोयल्ससँग साझेदारी गर्न पाउँदा खुसी लागेको बताए ।
“सुदूरपश्चिम रोयल्ससँग जोडिएर नेपाल प्रिमियर लिगको हिस्सा बन्न पाउँदा हामी खुसी छौँ । क्रिकेटले मानिसलाई जोड्ने प्रभावकारी माध्यमको रूप लिएको छ भने एनपीएलले नेपालमा यो खेलको विकासमा नयाँ अध्याय थपिरहेको छ,” पाठकले भने ।
प्रमुख कार्यकारी अधिकृत खड्काले रोयल ट्युलिप काठमाडौंसँगको साझेदारीले टोलीको आतिथ्य व्यवस्थापनलाई थप व्यवस्थित बनाउनुका साथै खेलकुद र पर्यटनबीचको सम्बन्धलाई बलियो बनाउन सहयोग पुग्ने बताए ।
