सबै खेल 
कप्तान दीपेन्द्रसिंह ऐरीको अर्धशतक मद्दतमा एनपिए मा सुदूरपश्चिम रोयल्सले पहिलो जित निकालेको छ। बुधबार भएको एकमात्र खेलमा सुदूरपश्चिमले पोखरा एभेन्जर्सलाई ६ विकेटले हरायो।
पोखराले दिएको १४६ रनको लक्ष्य पछ्याएको सुदूरपश्चिमले १६.५ ओभर ४ विकेट गुमाएर भेट्टायो। उसका लागि कप्तान दीपेन्द्रले अर्धशतक बनाए। उनले ३६ बलमा ४ चौका र दुई छक्का प्रहार गरे।
उसका लागि इशान पाण्डेले पाण्डे ३१ बलमा ३७ रन बनाए। उनले तेस्रो विकेटका लागि दीपेन्द्रसँग ७४ रनका महत्वपूर्ण साझेदारी गरे। यस्तै,ब्रान्डन म्याकमुलेन २२ र सैफ जइबले सैफ १४ रन बनाए। पोखराका लागि बलिङमा धनन्जय लक्षन, महेदी हन र शाकिब अल हसनले समान एक विकेट लिए।
त्यसअघि टस हारेर पहिला ब्याटिङ गरेको पोखराले निर्धारित २० ओभरमा ७ विकेटको क्षतिमा १४५ रन बनाएको थियो।
उसका लागि अर्जुन घर्तिमगरले सर्वाधिक अविजित ४० रन बनाए । उनले २५ बलमा ४ चौका र एक छक्का प्रहार गरे । उनले अन्तिम ओभरमा १५ रन जोडे ।
यस्तै, महेदी हसनले ३२ रन बनाउँदा कप्तान कुशल भुर्तेलले १७ बलमा २१ रन बनाए। शाकिब अल हसन १६ बलमा १४ रनको योगदान दिए।
बलिङमा सुदूरपश्चिमका स्पिनर अनिल खरेलले ३ विकेट लिए। यस्तै, हेमन्त धामी, स्कट कुइगेइन र कप्तान दीपेन्द्रसिंह ऐरीले एकएक विकेट लिए ।
बिहीबार एनपीएलका दुई खेल हुनेछन् । पहिलो खेल जनकपुर बोल्ट्स र काठमाण्डु गोर्खाजबीच दिउँसो साढे १२ बजेबाट खेल सुरु हुनेछ । दोस्रो खेल साँझ ५ बजे विराटनगर किंग्स र कर्णाली याक्सबीच हुने तालिका छ ।
