यूएईमा आजबाट सुरु भएको यू–१९ एसिया कप क्रिकेटमा नेपालले पाकिस्तानविरुद्ध पहिला ब्याटिङ गर्ने भएको छ।
पाकिस्तानले टस जितेर फिल्डिङ रोजेपछि नेपालले पहिला ब्याटिङ गर्न लागेको हो। नेपालको इनिङ अर्जुन कुमाल र तिलकराज भण्डारीले ओपन गरेका छन्।
यू–१९ विश्वकपको तयारीमा हेरिएको प्रतियोगितामा नेपालले समूह चरणमा अन्य दुई टेस्ट राष्ट्र भारत र अफगानिस्तानसँग पनि खेल्ने छ।
पाकिस्तानविरुद्ध नेपालले ३ स्पिनर र २ फास्टबलरलाई टिममा राखेको कप्तान देव खनालले बताएका छन्।
नेपाली टिमः देव खनाल, अर्जुन कुमाल, तिलकराज भण्डारी, आकाश त्रिपाठी, विपिन रावल, गुल्सन झा, दीपेश कँडेल, विशालविक्रम केसी, आकाश चन्द, सुवास भण्डारी, उत्तमरञ्जु थापामगर।