युभेन्टस कोपा इटालिया फुटबलमा युभेन्टस सेमिफाइनलमा प्रवेश गरेको छ।
बिहीबार राति फ्रोसिनोनलाई ४–० गोल अन्तरले पराजित गर्दै युभेन्टसले अन्तिम चारमा स्थान पक्का गरेको हो। युभेन्टसले दुवै हाफमा समान २ गोल गरेको थियो।
युभेन्टसको जितमा अर्कादिउस मिलिकले ह्याट्रिक गरे भने अर्को खेल केनन एल्दिजले गरे।
मिलिकले ११ औं मिनेटमा पेनाल्टीमार्फत गोल गर्दै अग्रता दिलाए। ३८औं मिनेटमा उनैले व्यक्तिगत दोस्रो गोल गर्दा युभेन्टस पहिलो हाफमा २–० को अवस्थामा पुगेको थियो।
४८ औं मिनेटमा मिलिकले ह्याट्रिक पूरा गर्दा ३–० ले अघि बढ्यो। ६१ औं मिनेटमा एल्दिजे गोल गरेपछि युभेन्टस ४–० को सहज जितका साथ सेमिफाइनलमा प्रवेश गर्न सफल भयो ।
अब युभेन्टसले फाइनल प्रवेशका लागि लाजियोसँग खेल्नेछ। लाजियो रोमालाई हराउँदै सेमिफाइनल पुगेको हो। यस्तै अर्को सेमीमा फियोरेन्टिना र एटलान्टा खेल्नेछन्।