सबै खेल 
दक्षिण अफ्रिकामा आजबाट यू–१९ विश्वकप क्रिकेट सुरु हुँदैछ। भविष्यका स्टार खेलाडी जन्माउने प्रतियोगिताका रुपमा लिएको यू–१९ विश्वकप अन्तिम समयमा श्रीलंकाबाट दक्षिण अफ्रिका सारिएको हो।
प्रतियोगितामा आज आयरल्याण्ड र अमेरिका तथा दक्षिण अफ्रिका र वेष्ट इन्डिजबीच खेल हुनेछ । दुवै खेल नेपाली समय अनुसार दिउँसो १ः४५ बजे सुरु हुनेछ।
प्रतियोगितामा नेपाल पनि सहभागी छ। ८ वर्षपछि यू–१९ विश्वकप खेल्न लागेको नेपालले पहिलो खेल आइतबार न्युजिल्याण्डसँग खेल्नेछ।
नेपाल रहेको समूह डिमा अफगानिस्तान र पाकिस्तान पनि छन्।
नेपालको दोस्रो खेल माघ १० गते पाकिस्तान र समूह चरणको अन्तिम खेल माघ १२ गते अफगानिस्तानसँग हुनेछ।
समूहको शीर्ष तीनमा रहन सके नेपाल अघिल्लो चरण पुग्ने छ।
