विभागीय टिम त्रिभुवन आर्मी क्लब पोखरामा जारी आहा रारा गोल्डकपको सेमिफाइनलमा प्रवेश गरेको छ। आइतबार पोखरा रंगशालामा भएको खेलमा डिफेन्डिङ च्याम्पियन संकटा क्लबलाई ३–०ले हराउँदै आर्मी सेमिफाइनलमा पुगेको हो।
आर्मीको जितमा दिनेश हेम्जनले २ तथा जिलेस्पीजंग कार्कीले १ गोल गरे । आर्मीले पहिलो हाफमा १ र दोस्रो हाफमा २ गोल गरेको थियो।
बराबरीतर्फ उन्मू पहिलो हाफको अन्तिम समयमा जिलेस्पीले गोल गर्दै आर्मीलाई अग्रता दिलाए। दोस्रो हाफको सुरुआतमै दिनेशले आर्मीको अग्रता दोब्बर बनाए। उनले ४९औं मिनेटमा प्राप्त पेनाल्टीमा गोल गरेका थिए । ७६औं मिनेटमा दिनेशले नै गोल गरेपछि आर्मी ३–०ले विजयी भयो।
यता, उपाधि रक्षा गर्ने अभियानसहित अन्जन विष्ट, लाकेन लिम्बू, आयुष घनाल जस्ता स्टार खेलाडी मैदान उतारेपछि सकंटाको अभियान सफल हुन सकेन।
आर्मीले अब सेमिफाइनलमा चर्च ब्वाइज र एपीएफको विजेतासँग खेल्ने छ।