चर्च ब्वाइज युनाइटेड पोखरामा जारी आहा रारा पोखरा गोल्डकपको सेमिफाइनलमा प्रवेश गरेको छ।
पोखरा रंगशालामा मंगलबार भएको क्वाटरफाइनलको अन्तिम खेलमा विभागीय टोली नेपाल पुलिस क्लबलाई १–० गोलअन्तरले हराउँदै चर्च ब्वाइजले अन्तिम चारमा स्थान बनाएको हो।
चर्च ब्वाइजका लागि खेलको ७३औं मिनेटमा समिर तामाङले निर्णायक गोल गरेका थिए।
पहिलो हाफमा दुवै टोलीले रक्षात्मक खेल खेलका थिए। दोस्रो हाफमा भने चर्च ब्वाइजले आक्रामक खेल खेल्यो। पुलिस क्लबले भने पाएको अवसरको फाइदा उठाउन सकेन।
चर्च ब्वाइजले अब फाइनल प्रवेशका लागि नेपाली सेनाको त्रिभुवन आर्मी क्लबसँग खेल्नेछ।
प्रतियोगिताअन्तर्गत बुधबार पहिलो सेमिफाइनल खेल थ्रिस्टार क्लब र जावालखेल क्लबबीच हुनेछ।