तीन खेलको एकदिवसीय सिरिजको पहिलो खेलमा नेपाल ए पराजित भएको छ। आइतबार मुलपानी क्रिकेट मैदानम भएको खेलमा नेपाल ए क्यानडा ११ सँग ४ विकेटले पराजित भयो।
पहिला ब्याटिङ गर्दै नेपालले दिएको २१७ रनको मध्यम लक्ष्य क्यानडा ११ले ४९ ओभरमा ६ विकेटको क्षतिमा भेट्टायो। उसका लागि नवनीत धलीवालले सर्वाधिक ८० रन बनाए भने निखिल दत्ताले नटआउट ६७ रन र श्रेयस मोभ्भाले नटआउट २३ रन जोडे ।
नेपालका लागि साहब अलामले २ विकेट लिए। उनले १० ओभरमा ३१ रन खर्चिए। यस्तै प्रतिश जिसी, रशिद खान, सागर ढकाल र बसिर अहमदले १–१ विकेट लिए।
त्यसअघि पहिला ब्याटिङ गरेको नेपालले निर्धारित ओभरमा ८ विकेट गुमाउँदै २१६ रन बनायो । नेपालका लागि बासिर अहमदले ५५ बलमा अर्धशतक बनाए। रसिद खानले ४४ रन बनाए।
क्यानडाका लागि साद विन जाफरले ३ तथा इशवरजोत सोहीले २ विकेट लिए।