नेपालले यसै वर्ष अमेरिका र वेस्टइन्डिजमा संयुक्त रुपमा आयोजना हुने टि–२० विश्वकप खेल्दैछ। दोस्रो पटक टि–२० विश्वकप खेल्ने लागेको नेपालले पहिलो खेल नेदरल्यान्ड्ससँग खेल्नेछ।
अमेरिकाको डलासमा जुन ४मा हुने यो खेलको टिकट ‘सोल्ड आउट’ भएको छ। आईसिसीले नेपाल र नेदरल्यान्ड्सविरूद्धको खेलको साधारण टिकट हाललाई उपलब्ध नभएको जनाएको छ।
डालासको ग्रान्ड पियारी रंगशालाको दर्शक क्षमता १५ हजार रहेको छ।
यस्तै, भारत र पाकिस्तान तथा भारत र अमेरिकासहित १४ खेलको साधारण टिकट हालका लागि किन्न उपलब्ध नभएको आइसिसीले जनाएको छ।
समूह डीमा रहेको नेपालले समूहमा दक्षिण अफ्रिका, श्रीलंका, बंगलादेशसँग पनि खेल्ने छ। नेपालले अमेरिकाकै फ्लोरिडामा जुन ११मा श्रीलंकासाग खेल्ने छ। यस्तै, जुन १४मा दक्षिण अफ्रिका र जुन १६मा बंगलादेशसँग खेल्ने छ। यी दुवै खेल वेस्टइन्डिजको सेन्ट भिसेन्टमा हुनेछ।