इन्टर मिलानले इटालीको सिरी ए को शीर्षमा आफ्नो अग्रतालाई शनिबार १८ अंक पुर्याएको छ। शनिबार राति बोलोग्नामाथि १–० को जित निकाल्दै इन्टर अग्रता १८मा पुर्याएको हो।
इन्टरको जितमा जर्मन सेन्टर ब्याक यान बिसेकले एक मात्र गोल गरे । इन्टरको ७५ अंक भएको छ ।
सबैखाले प्रतियोगितामा इन्टरको यो लगातार १२ औं जित हो । लिगमा भने इन्टरको यो लगातार दसौं जित हो।
क्लबकै इतिहासमा लगातार दस खेल जितेको यो तेस्रो अवसर मात्रै हो र टिम २० औं लिग उपाधितर्फ अग्रसर रहेको छ । दोस्रो स्थानमा रहेको युभेन्ट्सको ५७ अंक छ ।
शनिबारका अन्य खेलमा कागलिरीले सालेरनटानालाई ४–२, ससुलोले फ्रोसिनालाई १–० र मोन्जाले जेनोआलाई ३–२ ले हरायो ।