पारस खड्का नेतृत्वको सन २०१४ विश्वकप लिजेण्डस्ले एक्साट्रेक लिजेण्ड कपको उपाधि जितेको छ।
फाइनलमा खड्का नेतृत्वको टिमले अर्का पूर्व राष्ट्रिय कप्तान विनोद दास नेतृत्वको रेष्ट अफ नेपाललाई १७ रनले पराजित गरेको हो।
सोमबार अपरान्ह भएको फाइनलमा खड्काको टिमले पहिले व्याटिङ गरेर १ सय १ रनको लक्ष्य दिएको थियो। विश्वकप लेजेण्डसका लागि पारस खडकाले १२ बलमा ३९ रन जोडेका थिए।
उक्त टिमका लागि बीरेन्द्र शाहले २९ र प्रफुल्ल बैद्दले १३ रन जोडे। रेष्ट अफ नेपालका लाक्पा लामाले ४, राजकुमार प्रधान र दीपेन्द्र चौधरीले समान १ विकेट लिए।
जफावी व्याटिङ गरेको रेष्ट अफ नेपालले निर्धारित १० ओभरमा ९ विकेट गुमाएर ८४ रन मात्र बनाउन सक्यो । रेष्ट अफ नेपालका लागि लाक्पा लामा २०, युमिल श्रेष्ठ १८ र सीता रानामगरले १२ रन जोडेका थिए।
रेष्ट अफ नेपाललाई अलआउट गर्न सामसुङ जंग थापाले ४ विकेट लिए। शक्ति गौचन र बद्री पङ्गेनीले २ विकेट लिए । विश्व कप लेजेण्डसका सामसुङ जंग थापा पेलेयर अफ द म्याच घोषित भए।