नेपाल भ्रमणमा रहेको आयरल्यान्ड्स वुल्भ्स र नेपाल एबीचको टि–२० सिरिजको अन्तिम खेल कीर्तिपुरस्थित टियू मैदानमा भइरहेको छ। जारी खेलमा आयरल्यान्ड्स वुल्भ्सले टस जितेर फिल्डिङ रोजेपछि नेपाल ए अहिले ब्याटिङ गरिरहेको छ।
आयरल्यान्ड्स उल्भ्सविरुद्धका यसअघिका दुवै खेल गुमाएको नेपाल एले आज पनि खराब सुरुआत गरेको छ। नेपालले एले पहिलो पावरप्लेमै आफ्नो महत्वपूर्ण ३ विकेट गुमाएको हो। नेपालले पावर प्लेमा ५०–३को अवस्थामा छ।
नेपालका कप्तान विनोद भण्डारी ११, लोकेश बम ८ र देव खनाल ६ रन बनाएर आउट भए।
ताजा अवस्थामा नेपालले ८ ओभरको समाप्तिमा ३ विकेको क्षतिमा ६५ रन बनाएको छछ। क्रिजमा आरिफ सेख ८ बलमा १७ र बासिर अहमद १८ बलमा १७ रन बनाएर खेलिरहेका छन्।
अन्तिम खेलमा नेपाल एले टिममा एक परिवर्तन गरेको छ। किरण ठगुन्नाको स्थानमा नारायण जोशीले टिममा छन्।