अमेरिका र वेस्टइन्डिजमा अर्को महिनाबाट सुरु हुने टि–२० विश्वकपका लागि दक्षिण अफ्रिकाले आफ्ना् टिम घोषणा गरेको छ। दक्षिण अफ्रिकाले एडेन मारक्रमको कप्तानीमा १५ सदस्यीय टिम घोषणा गरेको हो।
दक्षिण अफ्रिकी टिममा क्वेन्टन डि कक, डेविड मिलर, कागिसो रबाडा, केशव महाराज जस्ता अनुभवी तथा रिजा हेनरिक, जेराल्ड कोट्जी, ट्रिस्टन स्टब्स, मार्को यान्सन जस्ता फर्ममा रहेका युवा खेलाडी पनि छन्।
दक्षिण अफ्रिकाले फास्टबलर द्वय नान्द्रे बर्गर र लुंगी एनगिडीलाई रिजर्भमा राखेको छ।
विश्वकपमा दक्षिण अफ्रिका नेपाल रहेककै समूह डीमा छ। यो समूहमा बंगलादेश, श्रीलंका र नेदरल्यान्ड्स पनि छन्।
उसले जुन ८मा नेदरल्यान्ड्ससँग खेल्दै विश्वकपको थालनी गर्ने छ। नेपाल र दक्षिण अफ्रिकाबीचको खेल जुन १५मा हुनेछ।
दक्षिण अफ्रिकी टिम ः एडेन मारक्रम, बोटनिल बार्टमन, जेराल्ड कोट्जी, क्वेन्टन डि कक, ब्जोर्न फोटुइन, रिजा हेन्ड्रिक्स, मार्को यान्सन, हेनरिक क्लासन, केशव महाराज, डेविड मिलर, एनरिच नोर्किया, कागिसो रबाडा, रियान रिकेल्टन, तबरेज शाम्सी र ट्रिस्टन स्टब्स।